Hjellvik Montessoriskule

Hjellvik Montessoriskule ligg vakkert til på Hjellvik i Osterøy kommune. 

Skulen ligg sentralt til i bygda, med nytt nærmiljøanlegg som inneheld ballbinge, tennisbane, basketballbane, sandvolleyballbane og kunstgrasbane. Naturen kring skulen er storslått og variert, med skog og fjell, fjord og vatn. Osterøys vakraste badestrand ligg berre 100 meter frå skulen.

Hjellvik skule var opphaveleg ein kommunal skule som vart lagt ned etter 120 års drift. Bygda hadde eit sterkt ønskje om å framleis ha ein skule i lokalmiljøet, og søkte difor godkjenning av privat skuledrift. Skulen er godkjend som montessoriskule med plass til inntil 70 elevar på 1.-7.trinn. Dette gjev høve til eit oversiktleg miljø med stor vaksentettleik. Skulen er ikkje berre ein grendaskule, men vil ta imot elevar frå andre bygder og kommunar om dei søkjer.

Ved Hjellvik skule er dei føresette ein stor ressurs, og dei føresette vil både formelt og uformelt kunne ha stor påverknad på borna sin skulekvardag. Styret for skulen er skulen sitt øvste organ, og har fleire foreldrerepresentantar.

Skulen hadde oppstart hausten 2016. Skulen framstår som eit attraktivt bygg med tenlege klasserom, godkjend av Miljøretta Helsevern. Me ynskjer foreldre som er interesserte i å søkje skuleplass til borna sine velkommen til å beskøkje oss på skulen etter avtale. 

 

Ordensreglar for elevar ved Hjellvik Montessoriskule

Reglane gjeld i alle arrangement som er i skulen sin regi.

  1. Alle elevar har rett til eit trygt og godt fysisk og psykososialt miljø som fremjar helse, trivsel og læring. Jamfør opplæringslova §9A.

  2. Alle elevar har rett til eit mobbefritt miljø der alle har medansvar for at ikkje nokon opplever krenkande og ulovleg åtferd frå andre. Sjå presisering under.

  3. Alle elevar har rett til å bli høyrde i saker som vedkjem dei. Jamfør opplæringslova §2-9.

  4. Alle elevar skal vise omsyn og respekt for andre, bidra til arbeidsro i timane og syne respekt for undervisninga.

  5. Alle elevar møter punktleg og førebudd til timane.

  6. Elevar skal ikkje bruke mobiltelefon eller anna privat, elektronisk utstyr i skuletida. Dette gjel i og i tida for open skule og SFO. Dersom elevane har bruk for mobilen etter skuken, skal mobilen vera avslått og liggja på tilvist stad.

  7. Elevar skal ikkje ha med eller bruke farleg reiskap på skulen. Dette er gjenstandar som kanbrukast til å skade andre, til dæmes kniv eller andre typar våpen. Unntaket er dersom verktøy, som til dømes kniv, vert brukt under tilsyn av vaksne i fagleg samanheng.

  8. Det er forbode å ha med eller bruke rusmiddel på skuleområdet. Jamfør opplæringslova §9-5.

  9. Ein skal ikkje banna eller bruka andre ukvemsord på skulen.

  10. Elevar skal ikkje krenke medelevar eller vaksne. Sjå presisering under.

Presiseringar

Krenkande og ulovleg åtferd er til dømes:

  • Fotografering av medelevar og leggja bileta på nettet.

  • Negativ omtale på nettside.

  • Negative SMS, MMS, chat, e-post eller ryktespreiing.

  • Rasistiske utsegn og handlingar.

  • Seksuell trakassering.

  • Sjikane på grunn av religion, legning eller livssyn.

  • Hærverk.

  • Valdsbruk.

  • Mobbing.

  • Trugsmål.

Sanksjonar ved brot på ordensreglane

  • Samtale og munnleg eller skriftleg åtvaring frå lærar/inspektør/rektor.

  • Melding til føresette.

  • Møte med føresette.

  • Oppmøte på skulen før eller etter skuletid i samband med samtalar med lærer/rektor og/eller utføring av pålagte oppgåver.

  • Inndraging av mobiltelefon eller anna privat elektronisk utstyr. Dette vert levert tilbake ved slutten av skuletida same dag.

  • Dersom mobiltelefonar eller anna privat elektronisk utstyr vert brukt til mobbing eller krenking av andre elevar, kan eleven nektast å ha slikt utstyr med på skulen. Skuleeiinga sender eit skriftleg varsel til heimen.

  • Herverk medfører at eleven må rydde opp/utbetre skaden. Føresette er erstatningsansvarleg for inntil NOK 5000,- Jamfør lov om skadeerstatning §1-2.

  • Inndraging av ulovlege eller farlege gjenstandar og eventuelt levering av desse til politiet.

  • Ved alvorlege lovbrot vil rektor vurdera å melde saka til politiet.

  • Elevar kan visast bort frå undervisninga for enkelttimar eller for resten av dagen. Føresette til eleven skal varslast før det blir sett i verk bortvisning for resten av dagen. Jamfør opplæringslova § 2-10.

  • Skifte av gruppe eller klasse.

  • Ein grunnskuleelev kan i særlege tilfelle flyttast til ein offentleg skule i heimekommunen dersom omsynet til dei andre tilseier det. Jamfør lov om frittståande skolar § 3-3.

Ein grunnskoleelev kan i særlege tilfelle likevel flyttast til ein offentleg skole i heimekommunen dersom omsynet til dei andre elevane tilseier det. Grunnen til at ein elev kan flyttast, kan til dømes vere at eleven mobbar ein eller fleire medelevar. Før det blir gjort enkeltvedtak om å flytte ein elev, skal ein ha prøvd andre tiltak. Heimekommunen gjer vedtak. Departementet er klageinsats.